Nasa kabuang 16,607 pamilyang Bulakenyo ang nakatyanggap ng food packs mula sa Pamahalaang Panlalawigan ng Bulacan sa pamamagitan ng Provincial Social Welfare and Development Office (PSWDO).
Ang pamamahagi ay pinangunahan nina Governor Daniel R. Fernando at Vice Governor Alexis Castro kasama ang mga PSWDO personnel sa pamumuno ni Rowena Tiongson.
Ayon kay Tiongson, araw-araw ang ginagawang relief distribution sa ibat-ibang bayan sa lalawigan na sinimulan noong Lunes, Agosto 10 kung saan tumanggap ng bigas, canned goods at noodles ang bawat benepisyaryo.
Binigyan din nina Fernando at Castro ng cash assistance ang mga ito galing sa sarili nilang mga bulsa.
Sinimulan ang pamamahagi sa bayan ng Sta. Maria kung saan nasa 520 pamilya ang mga apektado ng pagbaha dulot ng mga nagdaang bagyong Luis, May May at Habagat.
Kasunod ang bayan ng Guiguinto, Balagtas at Bocaue noong Martes na mayroong 1,121 pamilya habang nitong Miyerkules at Huwebes naman sa bayan ng Calumpit na mayroong 14,966 beneficiaries ang nabigyan ng ayuda.
Ayon kay Fernando, tuloy-tuloy ang kanilang relief operations sa mga susunod pang mga linggo para mabigyan ang lahat ng mga bayan at lungsod na naapektuhan ng pagbaha.
