Magbobote, nagsasawa ng pakinggan ang kaso ni Pastor Quiboloy. Ika niya, kung ang isang tao ay walang ginawang masama sa kanyang kapwa, ay hindi ito magtatago sa batas, at haharapin nito ang anumang paratang laban sa kanya, dagdag pa ng magbobote. Kung ito ay patuloy na iiwas o pagsuway sa utos sa pagharap sa Senado ay maaaring maharap siya sa legal na kahihinatnan, pinsala sa kanyang reputasyon, at iba pang hindi magandang kahaharapin, patapos ng ating nakausap.
Tsk! Tsk! Tsk! Sa ating nakalap, sa halip na tumestigo sa Senado, maaaring magbigay ng kanyang pahayag si Quiboloy sa pamamagitan ng kanyang legal counsel sa panahon ng paglilitis. Titiyakin nito na ang kanyang testimonya ay maayos na naidokumento at ipinakita bilang ebidensya nang hindi nalalagay sa panganib ang kawalang-kinikilingan ng imbestigasyon o ng paglilitis. Huwag natin pagsawaan na alamin ang kahihinatnan ng kaso ng isang nilalang na sinasabing may impluwensiya sa balat ng lupa at sa langit.
***
Base sa tala kamakailan ng Philippine National Police (PNP) ay bumaba ng ilang porsiyento ang bilang ng krimen sa bansa. Batay sa ulat bumaba ng 10.66 percent ang theft mula 2,355 hanggang 2,104 habang ang robbery incidents ay nagtala ng pagbaba ng 10.26 percent sa 813 mula sa 906. Bumaba naman ng 6.87 porsiyento ang insidente ng pagnanakaw ng motorsiklo mula 364 hanggang 339 na kaso.
Tsk! Tsk! Tsk! Salamat naman sa magandang balita. Magingat pa rin sa mga gumagalang hindi kilalang tao. Maging kami ay nabiktima, ng isang galang tao, perang P150.00 pambayad sa tubig (nasa loob ng plastik) na nakatali sa tenga ng isang galong walang laman na tubig ay binutas at kinuha kapagdaka. Ang insidente ay nakunan at nairekord sa CCTV cam.
Dahil dito ay nais lamang natin na ipabatid sa madla na huwag tayong maging kompiyansa sa panahon ngayon. Narito ang ilang dapat gawin upang malayo sa paningin ng mga magnanakaw. Huwag mag-iwan ng mahahalagang bagay sa natatanaw at pagiintirisan ng mga manguumit. Putulin ang mga puno at palumpong: Ang mga tinutubuan na puno at palumpong ay maaaring magbigay ng takip para sa mga magnanakaw. Panatilihing naka-trim ang mga ito upang maalis ang mga lugar na nagtatago. Mag-install ng panlabas na ilaw: Ang panlabas na ilaw ay maaaring humadlang sa mga magnanakaw sa pamamagitan ng pagpapahirap sa kanila na lumapit sa iyong tahanan nang hindi napapansin.
Gumamit ng mga timer para sa mga ilaw: Ang mga timer na nag-o-on at nag-o-off na mga ilaw sa iba’t ibang oras ay maaaring magmukhang parang may tao sa bahay, kahit na wala sila. Huwag i-advertise ang iyong pagliban: Iwasang mag-post tungkol sa iyong bakasyon sa social media hanggang sa makauwi ka. Maaari nitong alertuhan ang mga potensyal na magnanakaw na walang laman ang iyong tahanan. Hilingin sa isang kapitbahay na bantayan ang iyong tahanan: Maaaring bantayan ng isang pinagkakatiwalaang kapitbahay ang iyong tahanan at alertuhan ka o ang pulis kung may mapansin silang kahina-hinala. Iyan ay ilan lamang sa maaaring gawin laban sa pagnanakaw. Hanggang sa muli.
