“ESKUWELA DE KOLEHIYO KIT PROJECT!- Naghandog ng proyektong “Eskwela de Kolehiyo Kit Project” ang Sangguniang Kabataan (SK) Poblacion 1 na may temang “Hindi Bale Nang Mabagal Basta’t Umuusad” para sa mga Senior High School at College students sa nasabing lugar nitong Disyembre 05, 2021 na ginanap sa Barangay Hall sa bayan ng Marilao, Bulacan.
Ang naturang proyekto ay buhat sa inisyatibo at sa panguunguna ni SK Chairperson Kat Santos katuwang si Poblacion 1 Punong Barangay Rody San Juan kasama si Kgwd, Jeffrey Andres.
“Importanteng kahit sa maliit na bagay ay nakakapaghatid tayo ng tulong sa ating mga kabataang estudyante kahit nasa gitna ng umiiral na global health crisis,” wika ni SK Chair Santos.
Patunay ito na kahit pandemya ay nagkapaghahandog pa rin ng kapaki-pakinabang na proyekto ang pamunuan ng SK kabilang sina SK Kagawad: Trixy Gallardo, Geraldine Domingo, Ivan Vargas, Karlmaloon Labudlay at Ivi Vargas- Treasurer. (TROY GALLARDO)
