“Adopt an Estero” project inilunsad sa Guiguinto, Balagtas


by Eloisa Samonte-Silverio
Itinatak nila Guiguinto Mayor Agatha Paula Cruz at Balagtas Mayor Junior Gonzales ang kanilang mga kamay bilang tanda at simbolo ng kanilang sinseridad at pangako na bubuhayin at lilinisin ang mga estero at kailugan sa kanilang nasasakupan sa ginanap na Adopt an Estero Program, isang joint Ugong Creek clean-up and rehabilitation project ng dalawang lokal na pamahalaan na isinagawa nitong Enero 19, kasabay ng pagdiriwang ng ika-25 Guiguinto Halamanan Festival 2023. Kuha ni: ERICK SILVERIO
Kasabay ng pagdiriwang ng bayan ng Guiguinto, Bulacan ng kanilang ika-25 Halamanan Festival ay inilunsad nito ang “Adopt an Estero” project katuwang ang lokal na pamahalaan ng bayan ng Balagtas nitong Huwebes.
 
Ayon kay Guiguinto municipal administrator Elmer Alcanar, ang nasabing aktibidad ay bahagi ng weeklong celebration ng Halamanan Festival at ito ay joint Ugong Creek clean-up and rehabilitation project ng bayan ng Guiguinto at Balagtas.
 
Pinangunahan nina Guiguinto Mayor Agatha Cruz at Balagtas Mayor Eladio Gonzales Jr. ang isinagawang clean-up sa Ugong Creek katuwang ang mga volunteers mula sa munisipyo at mga barangay sa pakikipagtulungan ng Municipal at Bulacan Environment and Natural Resources Office.
 
"Adopt an Estero" Exchange of Plant
EXCHANGE OF PLANT- Guiguinto Mayor Agay Cruz at Balagtas Mayor Junior Gonzales
 
“This is a challenge-project of every local government units that must be sustained at hindi dapat ihinto dahil kailangan pangalagaan natin ang kalikasan,” wika ni Mayor Cruz.
 
Ayon kay Mayor Cruz, patuloy ang kanilang isinsagawang dialogue sa mga commercial establishments partikular na sa mga mismong nasa gilid ng Ugong Creek na may 1.3 kilometro at sa mga ilog kung saan ang mga ito ay nangako na tutugon sa programa ng alkalde sa paglilinis ng mga kailugan.
 
Sa mensahe ni BENRO chief Atty. Julius Degala, nangako ito na suportado ng provincial government ng Bulacan ang programang adopt an estero sa ilalim ng administrasyon ni Gob. Daniel Fernando. 
14