Camp Olivas, City of San Fernando, Pampanga – Naaresto ng mga otoridad ang tatlong most wanted persons kabilang ang Top 1 Most Wanted ng Region 3 sa pinaigting na kampanya ng PRO3 laban sa mga wanted persons.
Naaresto ng pinagsamang puwersa ng Cabanatuan City Police Station (CPS), PIT-NE, RIU3, at PIU- NEPPO si Bryan Brigole y Abella, Top 1 Most Wanted Person-Regional Level nitong Enero 8, (Miyerkules), bandang 7:30 ng umaga sa Brgy. Mayapyap Sur, Cabanatuan City.
Siya ay nahaharap sa kasong Murder sa ilalim ng Criminal Case No. 36997-AF na walang piyansa.
Samantala, nadakip ng Camiling Municipal Police Station (MPS) si Gilbert Sison y Idos, isa sa Most Wanted Persons- Municipal Level ng Camiling bandang 9:10 ng umaga nitong Enero 8 sa Brgy. Poblacion B., Camiling na nahaharap sa kasong paglabag sa Comprehensive Dangerous Drugs Act of 2002 (R.A. 9165, Artikulo 2, Seksyon 11) na may piyansyang itinakda sa halagang Php200,000.00.
Nahuli naman ng tracker team ng 1st Platoon, 1st PMFC-Bulacan PPO si Mark Sariba y Persolo, Top 3 Most Wanted Person- Regional at Provincial Level at Top 1 – Municipal level ng Pandi na nahaharap sa kasong Rape sa ilalim ng Criminal Case Numbers 6805-M-2024 at 6806-M-2024 na walang inirekomendang piyansa.
“Ang mga operasyong ito ay patunay ng determinasyon ng ating kapulisan sa pagpapanatili ng kaayusan at pagbibigay hustisya. Nanawagan din kami sa publiko na patuloy na makipagtulungan upang masawata ang kriminalidad sa ating mga komunidad,” ani PRO3 Director PBGen Redrico Maranan.
