Pinabulaanan ni Porac Mayor Jaime Capil ang mga ulat na na mayroong extension office ang local government unit malapit sa ipinasarang Lucky South 99.
“Walang extension office ang Munisipyo ng Porac malapit sa POGO”, ani Mayor Capil.
Sinabi ni Capil na ang nabanggit na gusali na sinasabing extension office ng Porac LGU ay hindi ginamit dahil ito noon pa man ay condemned structure.
Ang gusali na malapit sa ipinasarang POGO ay wala ring mga kagamitan.
Sinabi ni Capil na binalak ng LGU na magpatakbo ng extension office sa silangang bahagi ng bayan ng Porac upang ang mga residente sa Barangay Sta. Cruz at Manibaug ay hindi na kailangang pumunta hanggang sa Porac Municipal Hall sa Barangay Poblacion.
Ngunit hindi natupad ang planong mag-operate ng extension office ngayong taon dahil hindi na nagagamit ang derelict building na nasa loob ng Royal Garden area.
Nabatid na ang Mabalacat City ay nagpapatakbo ng extension office sa loob ng Clark Freeport Zone, kung saan ang mga ilegal na POGO na sangkot sa human trafficking, torture, love scam, crypto scam, at iba pang anyo ng mga scam, ay natuklasan noong 2023 at sa panahon ng Covid-19. pandemya.
“Walang masama sa pagpapanatili ng extension office,” ani Mayor Capil.
Ayon sa alkalde ang bagong Porac Municipal Building ang itinayo sa Barangay Cangatba, upang palitan ang luma sa Barangay Poblacion.
