SANDALING tumigil sa kampanya si reelectionist Sen. Joel “TESDAMAN” Villanueva para samahan ang kanyang mga anak na tumanggap ng unang dose ng COVID-19.
Dinala ni Villanueva ang kanyang mga anak na si Gwyn (9) at Jaden (11) sa FilOil Flying V Arena sa San Juan City para mabakunahan sila ng mga health worker ng siyudad.
Sinabi ng senador na importanteng hakbang na mabukanahan ang mga bata mula lima pataas para bumalik ang mga paaralan ng bansa sa face-to-face classes.
“Kailangan nating bakunahan ang ating mga anak laban sa COVID-19 para sa makita na nila ulit nang personal ang kanilang mga kaeskwela at guro, pati na rin makasama sa mga social activity gaya ng sports,” sabi ni Villanueva.
“Bilang magulang, hindi natin dapat ipinapagkait sa ating mga anak ang mga karanasang ito. Kaya nag-break muna tayo sa ating kampanya para personal kong maibigay ang the best para sa aking mga anak,” aniya.
