Mahal na Diyos Ama,
Sa Banal na Linggong ito, aming yakapin ang presensya ng Iyong Banal na Espiritu, ang Aming Gabay, Tagapagturo, at Lakas.
Nagpapasalamat kami sa Iyong Anak na si Hesukristo,
na naglakbay sa daan ng pagdurusa, kamatayan, at muling pagkabuhay upang iligtas kami mula sa kadiliman.
Banal na Espiritu, buksan mo po ang aming mga puso at isipan.
Turuan mo kaming maunawaan ang lalim ng mga aral ni Hesus,
gabayan mo kami habang isinasaisip namin ang Kanyang huling mga salita, at bigyan kami ng karunungan na maunawaan ang Iyong plano para sa amin.
Ipamalas mo rin po ang Iyong kapangyarihan, palakasin kami upang harapin ang mga pagsubok na may lakas at pananampalataya, ituro sa amin ang daan tungo sa kabutihan at pag-ibig, at gawin kaming mga saksi ng Iyong katotohanan sa daigdig.
Ito po ay aming dasal sa pangalan ni Hesukristo, aming Tagapagligtas.
Sa pamamagitan ng Banal na Espiritu, na aming Gabay magpakailanman.
Amen.
SA banal na linggong ito, habang ginugunita natin ang sakripisyo ng ating Panginoong Hesukristo, ang Banal na Espiritu ay nananahan sa atin, pinupuno ang ating mga puso ng kaalaman, karunungan, at lakas upang mamuhay bilang Kanyang mga anak.
Ang Espiritu ay nananahan sa ating lahat, dala ang katotohanan ng Kanyang pag-ibig, ang kaloob ng Kanyang patnubay, at ang panawagan upang magdala ng liwanag sa isang mundong nangangailangan.
Mula sa Pilipinas hanggang sa bawat sulok ng Kristiyanong mundo,nawa’y hipuin ng Banal na Espiritu ang inyong mga puso ngayong Semana Santa.
Nawa’y ipaalala ng Kanyang presensya na tayo ay tinawag hindi lamang upang manalangin nang tahimik, kundi upang kumilos nang may pagmamahal: upang aliwin ang naghihirap, upang manindigan para sa katarungan, at upang magtrabaho para sa kapayapaan na itinuro mismo ni Kristo na ating hanapin.
Tsk! Tsk! Tsk! Habang lumalakad tayo kasama ni Hesus sa mga banal na araw na ito—mula Martes Santo hanggang Huwebes Santo, Biyernes Santo, at Linggo ng Pagkabuhay—nawa’y gabayan ng Banal na Espiritu ang inyong mga hakbang. Nawa’y akayin tayo ng Kanyang karunungan upang maging instrumento ng Kanyang kapayapaan, ngayon at magpakailanman. AMEN. Hanggang sa muli.
