Palafox katuwang ng LGU para sa isang master development plan sa bayan ng Pandi


by Eloisa Samonte-Silverio
PANDI, Bulacan-  Pormal na isinagawa ang Master Development Plan Ceremonial Contract Signing and Kick-Off Meeting sa pagitan ng Pamahalaang Lokal ng Pandi at ng Palafox Associates bilang paghahanda pa sa mas progresibong munisipalidad sa lalawigan ng Bulacan noong Nobyembre 25.
 
Ang naturang contract signing ay pinangunahan ni Mayor Enrico A. Roque mula sa local government ng Pandi at ang kilalang Urban Planner sa bansa na si Arch. Felino “Jun” Palafox Jr. , katuwang si Arch. German Paulo L. de Mesa at ang Palafox Associates.
 
Ayon kay Roque, layunin ng proyektong ito na iangat ang antas ng bayan ng Pandi sa mga darating na taon bilang isang mas progresibong pamahalaang bayan.
 
Pormal na naisakatuparan ang isinagawang Master Development Plan Ceremonial Contract Signing and Kick-Off Meeting sa pagitan ng Pamahalaang Lokal ng Pandi at ng Palafox Associates na pinangunahan nina Mayor Enrico A. Roque (center-first row), Urban Planner sa bansa na si Arch. Felino “Jun” Palafox Jr. (2nd right-front), kasama rin mula sa (kaliwa sa harap) Tyller Zhou, Councilor Danny Del Rosario, Arch. German Paulo L. de Mesa ng Palafox Associates (mula sa kaliwa-nakatayo) Engr. Randy Po, Provincial Planning Development Council; Councilor Armando Concepcion, Councilor Victorino Concepcion, Councilor Jonjon Roxas, ABC President Alejandro Angeles at Engr. Arlene Pascual, Pandi LGU Consultant na ginanap sa Las Casas De Pandi sa Barangay Bagong Barrio noong Martes, Nobyembre 25. Kuha ni: ELOISA SILVERIO
 
Base sa project overview, kabilang ditoang pag-develop ng 101-hectare master-planned township kung saan kinakikitaan ito na magiging new Central Business District sa buong lalawigan na tatawaging Bulacan Mega City.
 
Tampok din ito bilang mixed-use development gaya ng residential, commercial, institutional at IT parks na nakadisenyo bilang sustainable, resilient, pedestrian-friendly community.
 
Sinabi ni Roque na layunin nito na humikayat ng mga domestic at foreign investments, suporta sa Micro Small and Medium Entreprises at sa local industries kung saan maghahatid ng libu-libong trabaho sa larangan ng technology, services, retail, at turismo upang mas mapalakas ang tungkulin ng bayan ng Pandi bilang growth node sa Central Luzon.
 
“Nais natin na makapang-akit ng mga investors na maghahatid ng maraming oportinudad at trabaho sa bawat Pandieño, may maayos na imprastraktura, at may ligtas at planadong komunidad para sa susunod pang henerasyon,” ayon kay Roque.
 
Kaakibat rin ng programang ito ang pagpapataas ng antas ng turismo, trabaho, kalakal at pagtindig ng maraming komersyo sa nasabing bayan na pakikinabangan hanggang sa mga susunod na henerasyon. 
 
Oras na maging isang ganap na Bulacan Mega City, ito ay isang pangunahing proyekto na bubuo sa lalawigan upang maging isang moderno, economically dynamic, resilient hub, na ipoposisyon bilang isang makabuluhang contributor sa long-term growth and developmentng Bulacan.
 
Ang proyektong ito ay itatayo at matatagpuan sakop ng bayan ng Pandi, Balagtas at Bocaue.
6